Nga raportimet më të fundit të OSHEE-së dhe Policisë, njoftohet se prej aksioneve të kësaj jave kundër vjedhjes së energjisë të shtrira në të gjithë vendin, janë evidentuar 54 raste vjedhjeje, me po kaq autorë ku 19 prej tyre janë në në pranga. Ndërkohë, janë prerë dhe 4076 lidhje të abonentëve që ende rezultojnë debitorë ndaj OSHEE-së.
Edhe pse qelitë e komisariateve në vend thuhet se janë mbushur me të ndaluar për vjedhje të energjisë, të ngjan se kjo vjedhje duket se vazhdon ende me të njëjtin intensitet.
4, 5 muaj pas shpalljes së aksionit kundër mospagimit, por më shumë kundër mosvjedhjes së energjisë, shoqëruar dhe me masa të forta siç janë futja në burg e atyre që e kryejnë si vepër, 19 arrestime për vjedhje janë tregues se teza “bëje shembull një që të marrim mësim të tjerët”, nuk ka nisur ende të japë efektet e pritshme. /tesheshi.com/
