“Jam shndërruar në myslimane në vitin 2010 dhe jeta ime ka ndryshuar për mirë. Ndalova së kërcyeri pasi mendoja se askush nuk do të donte të shikonte një balerinë që mbante një shami”,- janë fjalët hyrëse të mesazhit të 14 vjeçares australiane, Stephanie Kurloë, i publikuar në sajtin LaunchGood, drejtuar botës islame.
“Ëndrra ime është të bëhem një balerinë profesioniste dhe të hap një shkollë kërcimi për vajzat si unë. Dua të inkurajoj të gjitha ato që duan të jenë pjesë e kësaj iniciative, pavarësisht besimit fetar apo ngjyrës së lëkurës”, – vijon Stephanie.
Vajza, e cila studion kërcim klasik prej moshës 2-vjeçare, ka shpjeguar se është ndikuar nga Noor Tagouri, gazetarja e parë amerikane që mbante shami si dhe nga Misty Copeland, balerina e parë afroamerikane e American Ballet Theatre.
E reja ka kërkuar në internet mbledhjen e një fondi prej 10 mijë dollarësh në mënyrë që të mund të ndjekë një shkollë të mirëfilltë baleti dhe të çojë përpara idenë e saj se arti mund të jetë gjithmonë një pikë takimi mes personave dhe kulturave të ndryshme. /tesheshi.com/
