Më në fund mund të japim një përgjigje për nj pjesë shumë të rëndësishme të femrave dhe për një lloj shqetësimi që ato kanë. Bëhet fjalë për gjatësinë e flokëve. Sipas sajtit Cosmopolitan, rritja e flokëve nuk varet vetëm nga kujdesi që ne i kushtojmë flokut, por edhe nga gjenet tona.
Maria Castan, Scientific Communications Manager e firmës Wella shpjegon se ‘gjatësia maksimale e flokut të çdonjërit është e shkruar në ADN dhe çdo njeri ka të tijën”.
“Aziatikët i kanë flokët shumë të gjatë. Mjafton të shikoni indianët. Gjenetikisht flokët e tyre rriten më shumë. Ata që kanë ciklin e jetës më të shkurtër janë flokët e afrikanëve, të cilët nuk e kalojnë asnjëherë një farë gjatësie të përcaktuar, e cila është më e shkurtër se gjatësia e të gjitha racave të tjera”,- shpjegon specialistja.
Ajo informon se flokët e racës kaukaziane kanë gjatësi mesatare mes flokëve të racës aziatike dhe asaj afrikane. Mirëpo, rritja e flokëve varet edhe nga faktorë të tjerë. “Ai që e bën ndryshimin në gjendjen shëndetësore të flokut është regjimi i jetës, ushqimi, hormonet, sëmundjet dhe medikamentet që konsumojmë”,- thotë Maria./tesheshi.com/
