Ende pa filluar ndeshja e shumëpritur, kanë nisur “hedhje fjalësh” mes dy klubeve të mëdha që pritet të luajnë nesër në “Camp Nou”. Barcelona dhe Liverpooli do të vihen përballë njëra-tjetrës, duke shënuar sfidën e parë gjysmëfinale në Ligën e Kampionëve.
Trajneri i Liverpool-it Jurgen Klopp në mënyrën e tij “zhvlerësoi” kundërshtarin pesë herë fitues të Ligës së Kampionëve, duke thënë se “stadiumi i tyre nuk ishte një tempull futbolli”.
Por reagimi i katalanasve ishte i menjëhershëm, dhe në mëyrë elegante treguan me video madhështinë e “Camp Nou”, arena ku gati 100.000 persona mund të shijojnë spektakël futbolli.
“Ky është ‘Camp Nou’, shtëpia jonë, tempulli ynë, fortesa jonë”, shkruan Barcelona në rrjetet sociale, në postim të shoqëruar me video.
“Jemi gati t’i japim ngjyrë Evropës,” është sllogani i tyre u fundit, duke iu referuar ngjyrave që tashmë kanë pushtuar ekranet e futbollit. /tesheshi.com/
