Pritet që ndryshimet në Kushtetutë të përfundojnë deri në mes të janarit, Marrëveshja e Prespës duhet të ratifikohet nga Parlamenti i Greqisë.
Në Maqedoni, nisi këtë të mërkurë një dëgjim publik për ndryshimin e Kushtetutës, e cila do të zgjasë deri në pesë ditë, kjo pasi Kuvendi miratoi të hënën katër projekt-amendamentet kushtetuese.
Pastaj do të pasojë faza e tretë dhe e fundit e miratimit të amendamenteve të Kushtetutës së Maqedonisë.
Një shumicë prej dy të tretash, ose 80 vota parlamentare, do të nevojiten për miratimin e amendamentit në parlament.
Ndryshimin e Kushtetutës maqedonase e diktoi Marrëveshja e Prespës i cili u nënshkrua nga Greqia dhe Maqedonia në korrik të këtij viti, pasi y ra dakort për ndryshimin e emrit nga Maqedoni në Republika e Maqedonisë Veriore.
Pritet që ndryshimet në Kushtetutën e Maqedonisë të përfundojnë në mes të janarit 2019.
Për të hyrë në fuqi, është e nevojshme që Parlamenti i Greqisë të ratifikojë Marrëveshjen e Prespës. /tesheshi.com/
