Mundësia e një marrëveshjeje finale në ditët e ardhshme mes Greqisë dhe Maqedoninë mbi emrin e kësaj të fundit, por edhe një bisede telefonike mes dy kryeministrave, Tsipras dhe Zaev duket të jetë në rënie, ka thënë një zyrtar i qeverisë greke.
Zyrtari, emri i të cilit nuk u publikua, tha për Kathimerini-in se Maqedonia nuk duket ende e gatshme t’i përgjigjet asaj që dy ministrat e Jashtëm ranë dakord në Bruksel.
“Duket se mundësia e përfundimit të marrëveshjeje në ditët në vijim është zbehur”, tha zyrtari grek.
Sipas informacioneve të fundit, emri “Republika e Maqedonisë Veriore” dhe vetëm në gjuhën maqedonase, mbizotëron nga tre propozimet e zgjidhjeve që janë në tryezën e negociatave në Athinë dhe Shkup.
Në tryezë po ashtu janë dhe dy propozime të tjera nga pesë sosh, pjesë e një pakete përpiluar nga negociatori i Kombeve të Bashkuara, Methju Nimiç, “Maqedonia e Epërme” dhe “Nova Makedonija”. /tesheshi.com/
