Me shumë gjasë, Greqia do të ndërmarrë e para dhe me simbolikë të veçantë, aktin e ratifikimit të protokollin mbi pranimin e Maqedonisë në NATO. Dhe kjo, siç njofton portali EurActiv, do të ndodhë më 8 shkurt në Bruksel
Sipas burimeve të EurActiv, teksti zyrtar i Protokollit të Anëtarësimit është miratuar të hënën dhe 29 përfaqësues të përhershëm të NATO-s janë duke pritur për miratimin e vendeve përkatëse.
Kur nënshkruhet, teksti do të dërgohet për ratifikim në parlamentet e vendeve anëtare të NATO-s.
“Greqia dëshiron ta ratifikojë protokollin deri më 8 shkurt”, i tha një burimi portalit të Brukselit, duke shtuar se Athina ndoshta do të jetë e para që do të hapë derën e NATO-s për Maqedoninë.
Zëdhënësi i NATO-s tha të hënën se data e nënshkrimit të protokollit për pranimin e Maqedonisë si anëtarë e 30-të e NATO-s do të përcaktohet “në ditët e ardhshme”, e kjo pasi si Athina e siShkupi ratifikuan Marrëveshjen e Prespës.
Kjo praktikisht do të thotë që Maqedonia mund të bëhet anëtare e NATO-s në samitin e korrikut, me kusht që anëtarët e tjerë të përshpejtojnë procedurën e ratifikimit. /tesheshi.com/
