Rrjeti televiziv britanik Sky News publikoi të shtunën, ashtu siç kishte bërë ditët e mëparshme, tregime mbi fate njerëzish që ndërruan jetë nga koronavirusi, me emrat dhe fotot e tyre të plota.
Sipas shifrave të fundit, 9.875 njerëz janë shuar në Mbretërinë e Bashkuar, një tjetër vatër e nxehtë e Europës.
Sky News raporton se shumica e tyre ishin mbi 70 vjeç, por mes tyre ka patur dhe mosha më të reja.
Sipas asaj çfarë raportohet, shumica kishin probleme të mëparshme shëndetësore, por paralajmërohet se njerëzit e të gjitha moshave ishin të infektuar.
Aty i veçuan dhe rastet e dy adoleshentëve nga Londra, të cilët ishin plotësisht të shëndetshëm para pandemisë.
Në Britani është e zakonshme të postohet histori për të ndjerët dhe në rrjetet sociale.
Nga ana tjetër, Mbretëria e Bashkuar parashikon “mbrojtje të fortë ligjore për informacion të ndjeshëm”, përfshirë informacionin shëndetësor.
Sky News nuk deklaroi nëse ishte e nevojshme të publikohen foto dhe emra të viktimave, edhe nëse familjet e tyre kishin dhënë pëlqimin. /tesheshi.com/
