Si gjithnjë janë ata, të rinj dalëmendsh, të cilët, duke u vetëndjerë në delir moshe, në kushtet e ecjes me makinë sjellin tragjedi në rrugë.
Me gjasë kështu ka ndodhur në tragjedinë më të fundit rrugore ndodhur mëngjesin e kësaj të premteje në aksin Vlorë – Fier.
Tre të rinj në një Audi, prej shpejtësisë rrufe, shuan një familje nga Patosi që po udhëtonte me një Toyota.
Audi ka goditur nga pas Toyotën, duke dalë që të dyja nga rruga.
Fjala është për Igli Madanin, Fabio Lamajn dhe Glori Selimin, të cilët u morrën jetën: Eduart Gushit, 44 vjeç, Silvana Gushit, 33 vjeçe, Anastasia Gushit, 14 vjeçe, dhe Eva Gushit, 9 vjeçe.
Ata vetë, për ironi fati, pas adrenalinës rinore me pasojë shuarjen e një familjeje, janë plagosur dhe po kurohen në Spitalin e Vlorës.
Kujtojmë se në vazhdën e shtimit të aksidenteve, edhe atyre brenda qytetete, në rastet më të shumta janë të rinj që humbin kontrollin.
Dhe nuk besohet të jetë çështje “patente me mik”. Besohet të jetë ajo që më së shumti përfolet në të tilla raste…/tesheshi.com/
