Emiri i Dubait, Mohammed bin Rashid al-Maktoum, të dielën, pa asnjë paralajmërim ka bërë inspektimin e zyrave të shërbimeve publike në Dubai. E pasi i gjetur ato bosh, ka shkarkuar në vend nëntë zyrtarë të lartë.
Sipas mediave lokale, Sheikh Mohammed ka ardhur për të inspektuar zyrat në orën 07:30 në mëngjes, duke shpresuar se do të gjejë nëpunësit nëpër vendet e punës, pasi dita e dielë në Emirate është punë.
Por gjatë vizitës surprizë ai ka gjetur zyrat e shërbimeve publike bosh.
Në videon që është publikuar në Twitter nga zyra për media e qeverisë, shihet se në ato momente Emiri është i vetmi njeri në zyrë.
Zyra e qeverisë për media në Dubai nuk i ka bërë publike emrat e njerëzve që nuk ishin në vendin e punës, por është raportuar se për shkak të qëndrimit të papërgjegjshëm duke mos u ndodhur aty, nëntë prej tyre janë shkarkuar.
Siç shkruan “Gulf News”, sheikh Mohammed është i njohur për inspektime të tilla të befta në vende të punës, me qëllim që të sigurohet se qeveritarët po kryejnë punën në mënyrë të përgjegjshme. /tesheshi.com/
