Emiratet e Bashkuara Arabe i kanë thënë Këshillit të Sigurimit të OKB-së se një “aktor shtetëror” ka mundësi të jetë pas sulmeve ndaj katër tankerave me naftë pranë brigjeve të vendit.
Sulmet e 12 majit mbanin shenja dalluese të një “operacioni të sofistikuar dhe të koordinuar”, sipas raportit të tij.
Emiratet e Bashkuara Arabe nuk cekën se kush mendonin të jetë pas sulmeve, të cilat kishin gjithashtu si cak anijet nga Arabia Saudite dhe Norvegjia.
SHBA ka akuzuar Iranin si autor të shkeljeve, por Teherani e ka mohuar këtë dhe bëri thirrje për një hetim.
Sulmet ndodhën më 12 maj, në ujërat territoriale EBA-ve, pranë ngushticës së Hormuzit.
Autoritetet e Emirateve të Bashkuara Arabe thanë se katër anije u vunë në shënjestër në një “sulm sabotimi”.
Edhe pse nuk pati viktima, Arabia Saudite tha se dy nga anijet e saj kishin pësuar “dëme të konsiderueshme”.
Këshilltari amerikan i Sigurisë Kombëtare John Bolton, një avokues i moçëm që kërkon ndryshimin e regjimit në Teheran, tha se ishte “e qartë” se Irani ishte pas sulmit.
SHBA i sheh sulmet si pjesë e një “fushate” të gjerë kundër saj dhe aleatëve. /tesheshi.com/
