Emiratet e Bashkuara Arabe kanë lëshuar lejen e parë të martesës për një çift jomusliman, njoftuan mediat shtetërore.
Vendi i Gjirit, ku të huajt përbëjnë 90 për qind të popullsisë 10 milionëshe, ka ndryshuar ligjet e tij për ta bërë atë më gjithëpërfshirës.
Agjencia zyrtare shtetërore WAM njoftoi se një çift kanadez do të jetë i pari që do të martohen sipas ligjit të ri për statusin personal të jomuslimanëve në kryeqytetin e Emirateve Abu Dhabi.
Masa “kontribuon në konsolidimin e pozicionit të Abu Dhabit si destinacioni kryesor në botë për ekspertë nga e gjithë bota”, tha WAM.
Martesat civile në Lindjen e Mesme, vendlindja e Islamit, Krishterimit dhe Judaizmit, janë të rralla dhe zakonisht kryhen nën autoritetin fetar të një prej tre feve monoteiste.
Martesat civile lejohen në Tunizi dhe Algjeri.
Ndërsa disa vende në rajon lejojnë bashkimet civile në kushte të caktuara, vetëm disa prej tyre i njohin martesat civile nga jashtë, dhe disa jo.
Emiratet e Bashkuara Arabe kanë ndërmarrë hapa gjatë viteve të fundit për ta bërë ekonominë më tërheqëse për investimet dhe talentet e huaja, si dhe ka futur viza afatgjata për to. /tesheshi.com/
