Emiratet e Bashkuara Arabe kanë vendosur një gjobë ndëshkuese prej 5,500 eurosh për ata që shpërndajnë informacione rreth virusit koronar, të cilat bien në kundërshtim me zbulimet zyrtare.
Qeveria e vendit, e cila prezantoi masën, deklaroi se Ministria e Shëndetësisë dhe institucionet e tjera mjekësore ishin përgjegjëse për publikimin e informacionit dhe udhëzuesve “të saktë” të shëndetit për kombin.
“Individëve u ndalohet postimi, transmetimi ose pjesëmarrja në qarkullimin e informacionit shëndetësor që është i pasaktë, mashtrues, ose jo i publikuar zyrtarisht, përmes mediave tradicionale ose sociale, përmes faqeve të Internetit ose mjeteve të tjera të transmetimit,” raporti agjensia e lajmeve WAM, duke cituar një direktivë nga autoritetet.
Masa, e lëshuar të shtunën, duket se synon të frenojë përhapjen e dezinformatave ose thashethemet në lidhje me pandeminë, e cila në Emirate ka marrë 37 jetë njerëzish dhe ka infektuar më shumë se 6.300 të tjerë. /tesheshi.com/
