Policia serbe ka arrestuar një shtetas kosovar në pikën e kalimit në Merdare, gjë që ka çuar në reagimin e vetë ministrit të Jashtëm Behgjet Pacolli.
“Ne e dënojmë arrestimin e shtetasit kosovar Nezir Mehmetaj nga policia serbe dhe bëjmë thirrje për lirimin e menjëhershëm të tij.
Zyra jonë e ndërlidhjes në Beograd është aktive dhe do të marrë të gjitha masat e duhura për të siguruar lirimin e Nezirit.
Serbia nuk mund të pengojë më pafund lëvizjen e lirë të njerëzve dhe menjëherë të ndalojë me përndjekjet politike.
Kjo është në kundërshtim me marrëveshjen e Brukselit dhe Brukseli, nga ana tjetër, duhet të marrë masa urgjente për të parandaluar veprimet e Beogradit kundër qytetareve të Kosovës dhe për të siguruar lëvizjen e lirë të qytetarëve”, shkruan Pacolli.
Nezir Mehmetaj, një emigrant në Zvicër nga fshati Rudicë e Klinës, u ndalua ndërsa kthehej më nënën nga Beogradi, ku thuhet se kishte për ta vizituar.
Atij i është thënë se gjendet në “Stop listë”, e më pas është marrë pa u thënë se ku dëgohej. Nëna e tij dhe një kushëri që i shoqëronte janë lënë të lirë, por tashmë kërkojnë të dijnë, ata dhe familjarë të tjerë, se ku ndodhet dhe cili do jetë fati i Nezirit. /tesheshi.com/
