Më shumë se 700 emigrantë meksikanë u detyruan t’u përshtaten kushteve tejet të këqija në stacionin kufitar mes ShBA-ve dhe Meksikës, njofton një raport mbi Departamentin e Sigurisë Kombëtare.
Inspektorët që hartuan raportin treguan për kushte të tmerrshme në stacion, ku ka aq shumë njerëz sa që gjysma e tyre po mbahen jashtë. Qelitë aktuale janë aq të mbushura sa që nuk mund të shtrihen as këmbët, dhe në ato me kapacitet prej 35 vetash ka më shumë se 155 sosh.
Situata thuhet të jetë aq e tmerrshme sa që agjentët po përgatiten për trazira. Të ndaluarit nuk kanë pasur mundësi që të bëjnë dush për më shumë se një muaj, dhe për 700 persona janë në dispozicion vetëm 4 dushe.
Mbipopullimi dhe higjiena e dobët po lehtëson përhapjen e sëmundjeve në stacion, duke çuar në shpërthime të gripit, morrave dhe epidemive. /tesheshi.com/
