Greqia planifikon të deportojë 10,000 emigrantë deri në fund të vitit të ardhshëm, tha qeveria në Athinë, një ditë pas përleshjes në kampin më të madh ë ishullin Lesbos.
Të dielën, gjatë një proteste aty, emigrantët ndezën dy zjarre dhe u përleshën me policinë.
Është konfirmuar se të paktën një person u vra dhe 17 u plagosën.
“Ne po kalojmë vërtet një krizë kombëtare”, tha Zv/ministri i Mbrojtjes Qytetare, Lefteris Economyou para gazetarëve në Lesbos.
Qeveria ka vendosur të forcojë sigurinë kufitare dhe të ndërtojë qendra të tipit të mbyllur për të strehuar emigrantë pa dokumente, si dhe azilkërkues që janë refuzuar dhe kanë nevojë të dëbohen – tha nga ana tjetër zëdhënësi i qeverisë Stelios Petsas.
Ai tha se Greqia tani përballet më shumë me një problem emigracioni sesa një problem refugjatësh.
Në Berlin, një zëdhënës kancelares gjermane Angela Merkel tha se qeveria e saj mbështet përpjekjet e Greqisë për të rritur numrin e dëbimeve të emigrantëve në Turqi.
Sipas Kombeve të Bashkuara, shumica e tyre vijnë nga Afganistani.
Kampi në Lesbos ka rreth 12,000 migrantë, kryesisht afganë, në një hapësirë për 3,000 njerëz. /tesheshi.com/
