Takimin e radhës, kreu demokrat Basha e pati me nëna fëmijësh të ikur në emigracion, të cilat iu ankuan atij për largimin e tyre, e Basha iu premtoi se me të në qeverisje kjo nuk do të ndodhë.
Qefsere Deliu tha se rreth dy javë më parë i është larguar djali për të emigruar jashtë vendit.
“Emigracioni në vitet e fundit është shumë i dhimbshëm. Rreth dy vite që djali është larguar pas shumë peripecive, në fakt që për shumë vite, që i vogël, që 16 vjeç ka ndarë kohës mes shkollës, sportit të atletikës ku ishte edhe kampion në fakt, edhe punës. Erdhi momenti këto vitet e fundit që nuk përballohej më edhe tha: do të marr rrugën. Falë Zotit iku edhe do rregullohet atje,” tha ajo.
Ndërsa Xhuma Kurti ofroi përvojën e saj: “Edhe unë një familje si të gjithë shqiptarëve, familje e thjeshtë dy fëmijëve të mi kanë mbaruar juridikun, vajza është më e madhe dy vjet se djali, por vajza mbaroi juridikun këtu dhe punonte këtu, në televizion ka qenë në Klan, madje balerinë, ajo të aplikojë mami se mbase më del e drejta e studimit të shkojë të vazhdojë shkollën në Amerikë”.
Basha iu përgjigj atyre se “qeveria e ardhshme do që do t’ua bëjë të mundur rikthimin e shqiptarëve në vend”.
“Ne do të sillemi me të njëjtën përgjegjësi siç sillen prindërit shqiptarë më fëmilët e tyre. Ju garantoj se do të bëj gjithçka që të mbush pritshmëritë tuaja. Duhet ta futim Shqipërinë në një rrugë shpresë edhe për rininë”, theksoi i pari i opozitës. /tesheshi.com/
