Moska është irrituar shumë prej emërimit nga Aleksandër Vuçiç, të Ana Brbabiç si kryeministre e Serbisë.
Rusia ka kërkuar me ngulm që të jetë Ivica Daçiç si kreu i qeverisë së re serbe, duke qenë se pasardhësi i Milosheviçit është një i preferuar i saj.
Por Vuçiç ka vendosur një person të cilësuar si “perëndimor” dhe që nga ana tjetër ka irrituar Putinin në të ashtuquajturën “pikë e dobët”.
42 vjeçarja Ana Brbabiç, gruaja e parë që bëhet kryeministre e Serbisë, ka deklaruar para dy vjetësh se është homoseksuale dhe ka një vokacion më shumë properëndimor, megjithëse e flet rrjethshëm gjuhën ruse.
Brbabiç, një teknokrate e shkolluar në Britaninë e Madhe dhe SHBA, ka punuar për një kohë të gjatë si drejtuese e programeve të USAID në Serbi.
Vuçiç deklaroi se e ka emëruar Brbabiç me shpresën se ajo do të gjejë një mazhorancë të gjerë votash në Parlament.
Dhe këtu “fle lepuri”. Ka gjasa që të emërohet në kabinetin e ri kreu i liberalëve serbë, Çedomir Jovanoviç.
Çedo, siç e thërrasin në Serbi, ka shprehur hapur qëndrimin se Beogradi duhet të mbyllë marrëveshjen me Kosovën duke e njohur pavarësinë e saj.
Nëse ai emërohet ministër i Jashtëm, së bashku me Brbabiç do të drejtojë negociatat përmbyllëse me Prishtinën, të cila do ta çojnë Serbinë në BE, nëse kjo e fundit njeh shtetin e Kosovës.
Ditën e djeshme, Dragan Markoviç, kreu i partisë “Serbët e Bashkuar”, një parti hapur e mbështetur edhe financiarisht nga Moska, deklaroi se “Ana Brbabiç nuk është kryeministrja ime” dhe ju referua më shumë qënies së saj si homoseksuale, duke mbrojtur në këtë rast edhe interesat e Moskës që është shprehur hapur kundër saj.
Dy ditë para se të zhvillohen zgjedhjet presidenciale serbe, Aleksandër Vuçiç u thirr në Moskë dhe u prit nga Vladimir Putin pikërisht për t’i kërkuar emërimin e Daçiç si kryeministër.
Por më pas në Beograd mbërritën dy emisarë nga Uashingtoni: përkatësisht John McCain, senatori i rëndësishëm republikan dhe zyrtari i lartë i DASH, Hoyt Brian Yee, që kërkuan nga Serbia të shprehet hapur se do të qëndrojë në aleancë me Moskën apo me Perëndimin.
Por përveç emërimit të Brbabiç, Vuçiç ka marrë një tjetër hap të rëndësishëm.
Serbia ka vendosur blerjen e disa helikopterëve Airbus, që është një konsorcium i fuqishëm franko-gjerman.
Nga Gjermania kanë mbërritur dy helikopterë që do të jenë njëri në përdorim të ushtrisë dhe tjetri për forcat speciale të policisë serbe.
Ky akt përbën një vendim që mund të trazojë marrëveshjen paraprake të firmosur me Rusinë për blerjen e një sërë armësh strategjike në Moskë, që prej disa Mig29 por edhe sisteme raketore dhe mjete të blinduara.
Caesar Sanchez Lopez, zyrtari i lartë i kompanisë Airbus për Europën Juglindore deklaroi se Serbia do të blejë gjithsej 9 helikopterë të cilët do të mbërrijnë deri në fund të vitit 2018. /tesheshi.com/
