Pas shpalljes nga OBSH të emergjencës globale lidhur me kërcënimin e koronavirusit, ministrja e Shëndetësisë Ogerta Manastirlliu, bëri me dije hapat e marrë në Shqipëri për t’u ruajtur nga kjo flamë me burim Kinën.
“Do doja të informoja që pas shpalljes së emergjencës globale ne do të rrisim përforcimin aktiv të survejancës, për gjurmimet e rasteve dhe izolimin e tyre, si dhe koordinimin e institucioneve për aplikimin e këtyre masave bazuar në uhdëzimet e OBSH. Dua të theksoj edhe njëherë që ne kemi një survejancë shumë të mirë të infesioneve respiratore. Kemi të gjitha masat që do të ndërmarrin në raport me shkallën e rrezikshmërisë”, tha Manastirlliu këtë të premte, në një takim të radhës dikasterial për rastin në fjalë.
Ajo konfirmoi se Shqipëria mbetet ende e paprekur për fat.
“Deri tani nuk ka asnjë rast me këtë virus në Shqipëri. Por në do të përforcojmë masat në raport me atë që po ndodh sot në botë”, tha gruaja që drejton shëndetësinë shqiptare.
“OBSH dhe të dhënat e saj kanë treguar deri në këtë moment që kufizimi mund të jetë jo efektiv ndaj ne do të rrisim edhe këshillimin e udhëtarëve që udhëtojnë drejt Kinës. Në të gjithë pikën e kalimit kufitar po përforcohen edhe në mbështetje të vendimit të fundit të OBSH masat dhe kontrollet higjeno-sanitare. Po kryhet me imtësi vlerësimi i çdo rasti. Mjekët që janë pjesë e ISHP po koordinojnë veprimet në zbatim të udhëzimeve ndërkombëtare për të asistuar çdo rast dhe për të marrë masat e nevojshme” ,theksoi Manastirlliu. /tesheshi.com/
