Keku me gështenja dhe çokollatë është një ëmbëlsirë e butë dhe shijshme, e cila realizohet me brumë me bazë gështenjash dhe çokollatë. Ky kek ka lagështinë e broënies amerikanë dhe është një mënyrë shumë e mirë për të përgatitur një ëmbëlsirë pa miell.
Përgatitja:
Hidhni gështënjat në një tigan dhe mbulojeni të gjithë me ujë, duke shtuar më pas bar aromatik, siç është rozmarina. Lërini të gatuhen për rreth 40 minuta ose për një orë nëse gështenjat janë të mëdha. Hiqini lëkurën dhe i zhysni në një tigan me qumësht dhe 2-3 lugë sheqer.
Lërini të ziejnë për rreth 10-15 minuta dhe më pas frulatojini deri sa të krijohet një masë kremoze. Rrihni vezët me sheqer dhe vanilje, deri sa të krijohet një masë e plotë e bardhë, e më pas shtojeni në kremin e gështenjave me qumësht, i cili tashmë është ftohur.
Shkrini çokollatën bashkë me gjalpin (në mikrovalë apo në banjëmarinë), lërini të jenë pak të vakëta dhe më pas i përzieni lehtësisht. Hidhni brumin në një tepsi, ku më parë të keni shtruar një letër furre.
Vendosni tepsinë me kekun me gështenja dhe çokollatë në 170 gradë për 50 minuta. Prini më pas kekun në forma dhe shtoni pluhur sheqeri apo kakaoje e servireni./tesheshi.com/
