Numri i shtetasve rusë që duan lidhje më të mira me perëndimin sa vjen e shtohet çdo vit. Të pyetur për këtë çeshtje, ata kanë shprehur dëshirën se duan të jenë më afër me kulturën, ekonominë dhe politikën e tyre.
Ky fakt u bë publik pas përfundimit të anketimit nga agjensia e sondazheve Levada. Sipas këtij raporti, 71 përqind e rusëve kanë deklaruar se duan që lidhjet e tyre të zgjerohen. Numri i atyre që mbështesin lidhjet më të mira me Perëndimin është rritur në mënyrë të konsiderueshme që nga mesi i vitit 2015. Kjo shifër, në korrik të vitit 2015, ka qenë 50 përqind. Sipas anketës, vetëm 17 për qind e kanë mbështetur reduktimin e lidhjeve me Perëndimin, krahasuar me 37 përqind që kanë qenë në korrik të 2015-ës.
Po ashtu, ku ata janë pyetur për rëndësinë e NATO-s, 57 për qind prej tyre kanë mbajtur një qëndrim të tillë, që shteti i tyre duhet t’i rrijë larg, ndërsa 31 përqind thanë se nuk duhet të kenë frikë prej saj./tesheshi.com/
