Nuk kanë kaluar veçse fare pak ditë që prej dorëheqjes së kryebashkiakut të Kavajës, dhe historia e tij merr një kthesë të papritur.
Eshtë vetë Rroshi që ka njoftuar sot pasdite se do t’i rikthehet detyrës së tij, pasi dëshmitë e penalitetit të drejtësisë italiane i kanë rezultuar atij të pastra.
Ja ç’shkruan mes të tjerash vetë Elvis Rroshi në rrjetin social Facebook: “Siç dhe jeni në dijeni, …, ju tregova për një letër e cila më zuri në befasi disa ditë më parë. Nisur nga ai moment, …, mendova se s’mund të vazhdoja detyrën time… Por pas vetëm 60 minutash më vjen nga Italia dëshmia ime e penalitetit, e cila tregon të vërtetën, që unë jam komplet i pastër.”
Për të vazhduar më poshtë: “Ndaj, nisur dhe nga mijëra mesazhe që kam marrë nga votuesit dhe nga situata që më nxjerr të pafajshëm, kam vendosur të vazhdoj detyrën time me përulje kundrejt qytetarëve të mi.”
“Do kthehem në Shqipëri së bashku me skuadrën e avokatëve të mi italianë për të vënë pikat mbi ‘i’ me drejtësinë dhe me publikun.” /tesheshi.com/
