Portalet sportive italiane i referohen agjentit të mbrojtësit shqiptar të Napolit, duke paralajmëruar një rinovim të shpejtë të kontratës së tij.
Mario Giuffredi i ka deklaruar një radioje napolitane se klienti i tij do të nënshkruajë një kontratë të re me Napolin menjëherë pas Champions League-s.
“Nuk ka asnjë problem. Menjëherë pas Champions League-s do të vëmë pikat mbi ‘i’ dhe do të nënshkruajmë,” ka deklaruar agjenti i Hysajt.
Kontrata e re do të parashikojë një klauzolë largimi për te klubet e huaja, gjë të cilën agjenti e sheh si diçka pozitive.
“Klauzola është një faktor pozitiv për një klub të huaj; ato do ta dinë se cili është çmimi i Elseidit.”
Rinovimi i kontratës së Elseid Hysajt është diskutuar gjatë gjithë verës, pa arritur që të shkohet deri atje.
Hysaj shkëlqeu në sezonin e tij të parë me Napolin pasi u transferua nga Empoli. Një lojtar i pazëvendësueshëm, ai u la të shtunën e shkuar në stol, për t’u aktivizuar Maggio në vend të tij. Megjithatë, ai pritet të jetë në fushë sonte, kur Napoli të ndeshet me Dinamon e Kievit, në një takim të vlefshëm për fazën në grupe të Champions League-s. /tesheshi.com/
