Ish-zëvëndësja e Tahirit në Ministrinë e Rendit, sot deputete e PS-së, Elona Gjebrea, është “shënjestra” më e re e opozitës. Pas faktit të provuar se dhe ajo, së bashku me ish-eprorin e saj Saimir Tahiri, ku si zëvëndësministre drejtonte Ministrinë e Rendit, është gjendur në kabinën e audit A8 të Habilajve duke u kthyer nga Greqia së bashku me eprorin e saj, PD e sheh dhe atë si të implikuar tashmë.
Kështu, deputetja demokrate Dhurata Çupi, i drejtoi disa pyetje koleges Gjebrea, si formë e akuzave ndaj saj:
- Pse në këto udhëtime nuk mori makinën dhe shoferin e saj?
- Pse nuk udhëtoi qoftë edhe me makinën e saj private?
- Pse zgjodhi të udhëtojë me makinën e Habilajve?
- A është takuar ndonjëherë me Habilajt?
- Nëse po, përse është takuar?
- Si Koordinatore Kombëtare Kundër Trafikimit a ka qenë ajo e informuar për trafikun masiv të drogës dhe të armëve nga Shqipëria në Itali dhe Greqi?
- Cilët drejtues të lartë të shtetit ka informuar?
- Çfarë masash ka marrë ajo për këtë gjë?
- A ndjen kjo përfaqësuese e popullit ndonjë përgjegjësi morale dhe politike për lulëzimin e krimit dhe të drogës në Shqipëri gjatë katër viteve që ajo ishte numër 2 i Ministrisë së Brendshme?
Ndër të tjera, deputetja Çupi kërkon nga Gjebrea t’i hapet drejtësisë për gjithçka di, e që druan ta thotë. /tesheshi.com/
