Miliarderi Elon Musk ka mirëpritur fëmijën e tij të 14-të. Musk kishte një djalë me Shivon Zilis, drejtore në kompaninë e tij Neuralink, me të cilën tashmë ka tre fëmijë.
“E kam diskutuar këtë me Elon dhe në dritën e ditëlindjes së bukuroshes Arcadia, mendojmë se është më mirë të ndajmë drejtpërdrejt informacione për djalin tonë të bukur Seldon Lycurgus”, shkroi Shivon Zilis, 38 vjeçe, me entuziazëm në platformën X, pa treguar se kur lindi djali i tyre.
Musk ka reaguar ndaj postimit të saj me një emoji zemre.
Njoftimi i Zilis vjen dy javë pasi influencuesja konservatore Ashley St. Clair gjithashtu njoftoi se së fundmi kishte një fëmijë me Musk.
Musk dhe Zilis mirëpritën binjakët Strider dhe Azure në nëntor 2021, dhe në qershor 2024 u zbulua se çifti kishte pasur fshehurazi një fëmijë të tretë së bashku në fillim të vitit.
Binjakët lindën vetëm një muaj para se ai dhe këngëtarja e alt-pop Grimes të kishin vajzën e tyre Exa Dark Sideræl. Musk ka dy fëmijë të tjerë me këngëtaren, si dhe gjashtë me ish-bashkëshorten e tij Justine Wilson.
Seldon besohet të jetë fëmija i 14-të i manjatit Tesla, pasi ai ende nuk ka konfirmuar zyrtarisht pretendimet e 26-vjeçares Ashley St. Clair. Një aktiviste konservatore së fundmi ngriti një padi për atësinë kundër CEO-s së SpaceX, duke kërkuar kujdestarinë e vetme të djalit të saj 5 muajsh. /tesheshi.com/
