Pronari i Twitter-it, Elon Musk tha se arrestimi eventual i ish-presidentit amerikan Donald Trump javën e ardhshme do të çojë në rizgjedhjen e tij në zgjedhjet presidenciale të vitit 2024.
“Nëse kjo ndodh, Trump do të rizgjidhet me një fitore bindëse”, beson Musk.
Ish-presidenti amerikan Donald Trump tha të shtunën se ai pret të arrestohet javën e ardhshme pasi një prokuror i Manhatanit përgatit një aktakuzë për një pagesë të supozuar sekrete, raportuan mediat amerikane.
“Kandidati kryesor republikan dhe ish-presidenti i Shteteve të Bashkuara të Amerikës do të arrestohet të martën javën e ardhshme. Protestoni, merrni përsëri kombin tonë”, shkroi Trump në rrjetin social Truth Social, raportoi New York Post.
Trump e quajti Zyrën e Prokurorit të Qarkut të Manhatanit si “të korruptuar”.
Prokurorët e Neë York-ut thuhet se po përgatiten të paditin Trump në një çështje që lidhet me një pagesë prej 130,000 dollarësh pak para zgjedhjeve presidenciale të 2016-ës për një aktore të “filmave për të rritur” të njohur si “Stormy Daniels”.
Aktorja, emri i vërtetë i së cilës është Stephanie Clifford, tha se kishte një lidhje me Trump vite përpara se ai të bëhej president. /tesheshi.com/
