Maqedonia për pak ka bërë surprizën në grupin G për eliminatoret e Botërorit të 2018-s, pasi mund të kishte barazuar me Italinë në Shkup.
Ndryshe nga sa ishte menduar, maqedonasit i kanë bërë mjaft rezistencë Italisë, madje duke kryesuar për minuta të tëra. Por goli i Immobile-s në minutën e 91-të i ka dhënë kombëtares italiane fitoren 2-3, duke shmangur një barazim të dytë brenda pak ditësh.
Izraeli, ndërkaq, ka fituar 2-1 ndaj Lihtenshtajnit. E bashkë me humbjen 0-2 e Shqipërisë ndaj Spanjës, është plotësuar dhe tabloja e grupit G pas ndeshjeve të dyta.
Spanja dhe Italia kryesojnë me nga 7 pikë. Shqipëria dhe Izraeli mbajnë vendin e tretë dhe të katërt, me nga 6 pikë. Maqedonia dhe Lihtenshtajni mbyllin tabelën pa asnjë pikë.
Nga ndeshjet e tjera, rezultat i papritur ka qenë barazimi i Uellsit me Gjeorgjinë, një takim i luajtur në orën 18:00. Bale do të shënonte si zakonisht për Uellsin, por Okriashvili do të barazonte në pjesën e dytë për gjeorgjianët.
Turqia humbi 2-0 ndaj Islandës në Rejkjavik, një rezultat mjaft i keq për të pas dy barazimeve, ndaj Kroacisë dhe Ukrainës.
Në ndeshjet e tjera janë arritur këto rezultate:
Finlandë – Kroaci 0-1
Ukrainë – Kosovë 3-0
Moldavi – Irlandë 1-3
Serbi – Austri 3-2
/tesheshi.com/
