Skënderbeu do të vazhdojë aventurën europiane në Europa League, pasi eleminoi Mlada Boleslavin pas goditjeve të penalltive.
“Ujqrit e dëborës” arritën kualifikimin duke siguruar një vend në play-off pas një ndeshjeje mjaft të mirë, e cila u zgjidh me goditjen e penalltive, pas 120 minutave dramatike në stadiumin Elbasan Arena.
Orges Shehi, portieri i Skëndërbeut, mund të cilësohet si heroi i ndeshjes, pasi me eksperiencën e tij, jo vetëm priti penalltinë e një prej lojtarëve të Mlada Boleslavin, por edhe shënoi nga pika e bardhë për ekipin korçar.
Skënderbeu me kualifikimin e për në fazën play-off mund të cilësohet si skuadra më e suksesshme në historinë e futbollit shqiptar në Europë, pasi për të tretën herë e gjen veten të luajë për një tjetër kualifikim në grupet e Europa League. /tesheshi.com/
