Dihet se uji është një aleat shumë i mirë për dietat dhe që ndihmon së shumti të hiqni kilet e tepërta apo celulitin. Pirja e ujit ndihmon në hidratimin e trupit, çka sjell pa masë anë pozitive në organizëm, por a e dini se nëse pini ujë me stomakun bosh, jeni duke bërë hapin e parë drejt dobësimit?
Të pishë një gotë ujë përpara vakteve, në fakt ndihmon që organizmi të provojë ndjesinë e ngopjes shumë shpejt dhe njëkohësisht mban nën kontroll urinë. Këshillohet të pihet shpesh nga dietologët për të reduktuar urinë përpara vakteve kryesore, por është edhe një mënyrë shumë e mirë për të shmangur konsumin e ushqimeve të cilësuara ‘mbeturina’, në vaktin e zemrës.
Pra, uji mund t’ju ndihmojë gjatë një diete të evitoni yndyrnat dhe kaloritë e tepërta, çka e vështirësojnë edhe më shumë procesin e dobësimit. Nëse zgjidhni ujin në vend të pijeve me gaz, lëngjeve me sheqer apo edhe atyre që duket se janë distike, mund të arrini të digjni shumë më shumë yndyrna se sa e imagjinoni.
Një përzierje që mund t’ju ndihmojë së tepërmi të largoni kilogramët e tepërt është edhe ajo e ujit me limonë. Fibrat që ndodhen tek limoni ju ndihmojnë të dobësoheni, ndërsa vitamina C dhe potasi forcon sistemin imunitar. /tesheshi.com/
