Ky drith është ndër më të çmuarit për sa i përket vlerave ushqyese për kaloritë përkatëse. Me përmbajtjen e tij në fibra, magnez, vitamina B dhe fitokimikate, elbi përmirëson ndjeshëm rregullsinë e aparatit tretës, shëndetin neuromuskular, qarkullimin në enët e gjakut dhe përgjigjen metabolike pas një vakti. Përdoreni elbin e zier në sallata, në supa dhe në qumështin e mëngjesit.
Dietologia Blerina Bombaj thotë se uji i elbit ndihmon shkarkimin e ujërave të tepërt që qëndrojnë jashtë enëve të gjakut, ndihmon veshkat në punën e filtrimit, ul kolesterolin dhe përmirëson shëndetin e lëkurës. Receta ideale:
Lini 1 kupë elb te plotë me 3 kupa ujë rreth 4 orë. Më pas e zieni duke i hedhur kanellë, xhinxher, turmerik dhe karafil. Pasi e lini të vlojë deri sa të zbutet, e kulloni dhe prisni të ftohet. E shoqëroni me pak mjaltë dhe lëng limoni. /tesheshi.com/
