Elbasani është trazuar sërish nga një përplasje me sfond politik. Kandidati demokrat për deputet Luçiano Boçi, është përplasur me biznesmenin Gjergj Luca, pronar i Fish City-it.
Luca, i biri i aktorit të ndjerë Gjergj Luca dhe aktores Mimika Luca, dikur i afërt me PD-në, tashmë njihet si i afërt me PS-së. Ai pretendon se është provokuar nga Boçi teksa ka qenë duke hyrë në një lokal në Labinot.
“Politikan që sillen si rrugaçë….Isha duke u futur që të pija një kafe, ky ishte vetë i dytë a vetë i tretë mos gaboj, filloi duke më share. Luçiano ka tentuar disa herë, nxori në rrugë njerëzit duke thënë se kam bërë shkollën dyqan peshku dhe herën tjetër nxorri komshinjtë e mi më erdhën te dera…Nuk i kam thënë kurrë asgjë duke menduar se e bën për politikë.
Dhe e di kush është më e bukura, se më ka grabitur edhe telefonin, më ka rënë telefoni në tokë dhe ma ka marrë. Uroj që kjo të zbardhet, do të dalin kamerat. Unë jam i dhunuari dhe ju e shihni, kam shenjat”, tha Luca.
“Këto janë plerat e Ramës”, ishin fjalët e Boçit.
“Po dilja nga një takim dhe miqësor dhe politike për të diskutuar me banorët për problemet e zonës. Në dalje ky zotëri vjen dhe agreson me fjalë dhe më pas afrohet dhe tenton goditjen dhe pastaj agravon situatën deri në kërcënime për jetë. Prokuroria duhet të filloj hapat e tjerë”, tha Boçi.
Që të dy kanë bërë kallzime në polici për njëri-tjetrin. /tesheshi.com/
