Kontrata aktuale që ylli i Barcelonës Lionel Messi ka me klubin katalanas i garanton argjentinasit më shumë se 555 milion euro të ardhura bruto për periudhën nga nëntori 2017 deri në qershor 2021, zbuloi të dielën e përditshmja spanjolle El Mundo, së cilës Barca njoftoi një proces gjyqësor.
“Kontrata faraonike e Leo Messit që shkatërron FC Barcelona”, është titulli në El Mundo që detajon shumat astronomike në kontratën që Messi nënshkroi në nëntor 2017.
Sipas El Mundo, kjo kontratë “i garanton Messit 555,237,619 euro bruto, të cilat ai do të marrë në katër sezone deri në skadimin, më 30 qershor 2021.” Kjo shumë është ajo e pagës së tij fikse, e shitjes të të drejtave tregtare në emrin dhe famën e tij, dhe një seri shpërblimesh.
“Lojtari ka marrë tashmë 511,290,052 euro, pothuajse 92 përqind e totalit,” raporton El Mundo.
“Shuma neto, pasi të jenë mbledhur të gjitha taksat dhe zbritjet e sigurimeve shoqërore, përfaqëson më shumë se gjysmën e kësaj shume: rreth 297 milion euro,” shtoi e përditshmja, duke theksuar se kontrata me 30 faqe ishte “kontrata më e madhe në historinë e sportit”.
Barcelona njoftoi procesin gjyqësor menjëherë të dielën.
“FC Barcelona kategorikisht mohon çdo përgjegjësi për botimin e kontratës profesionale të Lionel Messit dhe do të marrë masa ligjore kundër El Mundo,” njoftoi klubi katalanas të dielën.
Kontrata e Messit skadon në fund të sezonit. /tesheshi.com/
