Si çdo përplasje “klasike” mes dy gjigandëve të sportit spanjoll, finalja e së dielës e Kupës së Mbretit mes Realit të Madridit dhe Barcelonës ka patur tension të jashtëzakonshëm.
Megjithatë, siç nënvizon dhe “Marca” në raportimin e saj, dhjetë ditë më parë askush nuk mund ta imagjinonte një fitore të Barcelonës, pa asnjë sukses që nga Superkupa e 2015-s.
Gjithçka i dedikohet trajnerit Svestislav Pesic, të rikthyer te Barcelona saktësisht para dhjetë ditësh. Drejtimi i tij i mundësoi Barcelonës të bënte një ndeshje të jashtëzakonshme.
Fitorja 92-90 e Barcelonës i dha fund hegjemonisë së Realit të Madridit në Kupën e Mbretit, fitues në finalet e katër sezoneve të fundit, madje dy herë ndaj të njëjtit kundërshtar.
Barcelona fitoi Kupën e Mbretit, por që prej mbarimit të ndeshjes ka ende një polemikë të jashtëzakonshme për një faull të pastër të çasteve të fundit të katalanasit Claver ndaj madrilenit Taylor.
Festimi i lojtarëve të Barcelonës i kaloi caqet kur Oriola shembi përdhe të riun Luka Doncic me rënien e bilbilit të fundit. Rrëmuja pas kësaj mbaroi gjithsesi shpejt, për fat të mirë. /tesheshi.com/
