Ministria e Mbrojtjes e Rusisë ka nisur, me iniciativën e Presidentit Vladimir Putin, një ekspozitë udhëtuese të “trofeve të luftës nga Siria”.
Për këtë është përshtatur posaçërisht një tren, në të cilin janë vendosur armët që pretendohet t’u jenë kapur fraksioneve siriane në veprimet e ushtrisë ruse në Siri.
Rusia filloi ndërhyrjen ushtarake në Siri në shtator 2015, për t’i siguruar mbrojtje regjimit të Bashar al-Assad, i cili ishte në atë kohë ishte në një pozitë të vështirë para sulmeve dhe avancimin e pushtetit dhe fraksionit të opozitës e Ushtrisë së Lirë Siriane.
Për të treguar arritjet që janë realizuar në sajë të ndërhyrjes së ushtrisë ruse në Siri dhe në kuadër të të ashtuquajturave veprime ushtarake-patriotike të Ministrisë së Mbrojtjes, treni do të udhëtojë më shumë se 28.000 kilometra për të vizituar të gjitha qytetet e mëdha ruse, duke filluar nga kryeqyteti Moskë.
Treni me armë dhe pajisje do të ndalet në 61 qytete për disa orë, ku banorëve do iu mundësohet kjo “ekspozitë udhëtuese e ushtrisë”.
Russia Today raporton se treni u nis të shtunën nga stacioni hekurudhor “Kazan” në Moskë në Ditën e Mbrojtjes së Atdheut, e cila në Rusi kremtohet tradicionalisht më 23 shkurt të çdo viti.
Ekspozita do të zgjasë deri më 27 prill, sipas Ministrisë ruse të Mbrojtjes.
Gjeneralkoloneli Andrei Kartapolov, zëvendësministri rus i Mbrojtjes, në ceremoninë e nisjes së trenit tha se në të ka 20 vagonë, dhe se nëntë prej tyre janë modele të rralla të pajisjeve ushtarake, të tilla si tanke T-55 të prodhimit kinez.
Kapiteni Alexei Ruljev tha se “ne synojmë të tregojmë më shumë se 500 modele të armëve dhe pajisjeve të konfiskuara”.
Russia Today përcjell fjalët e zyrtarëve rusë që thonë se do të organizohen dhe koncerte për grupe të ndryshme muzikore ushtarake në faza të përcaktuara në platformat hekurudhore.
Treni do të ketë dhe tezga me pajisje ushtarake, në mënyrë që vizitorët mund të blejnë mallra dhe suvenire me simbole ushtarake ruse, ndërsa treni kalon nëpër qytetet e tyre.
Do të ketë edhe kabina për të gjithë qytetarët e interesuar që dëshirojnë të nënshkruajnë një kontratë shërbimi ushtarak.
Pavarëisht kësaj shfqejeje ekzibicioniste ushtarake, Rusët akuzohen për krime të tmerrshme në radhët e civilëve, gjatë bombardimeve të tyre në Siri. /tesheshi.com/
