Rakip Roli, 55 vjeç, humbi jetën mëngjesin e kësaj të premteje nga një atentat që iu bë në rrugë, teksa ecte me automjet. Ngjarja ndodhi në Sanxhak të Laçit, një zonë që njihet për persona me precedentë dhe afera të ndryshme.
Mësohet se dy persona të cilët ishin duke lëvizur në këmbë i kanë prerë rrugën 55-vjeçarit i cili ishte duke udhëtuar me mjetin e tij. Autorët menjëherë kanë hapur zjarr, duke i marrë jetën shënjestrës, një person i njohur në zonë.
Rakip Roli, i njohur ndryshe si “Pilot Rroli”, në vitin 2011 ishte i përfshirë në plagosjen e një 22-vjeçari, ku së bashku me një person tjetër, Petrit Sana, rrahën me sende të forta të riun, duke e plagosur rëndë, pas një sherri për motive banale.
Rakip Roli ishte biznesmen materialesh ndërtimi ndërsa dy djemtë e tij, Emiljano dhe Isuf Roli në vitin 2017 u hetuan për trafik droge. /tesheshi.com/
