Një tjetër ekzekutim i tipit mafioz ndodhi të enjten në mbrëmje, pjesë e një sage me nuanca të qarta “larje hesapesh”, që vijon prej kohësh me figura të njohura krimi, të cilët atentatohen dhe humbin jetëm. Më pas, shumë prej tyre rezultojnë të kenë qenë miq.
Kështu, i fundit, Can Karriqi, 35 vjeç, mbeti i vrarë mbrëmjen e djeshme në Kamëz. Ai u ekzekutua brenda një makine me targa gjermane, nga persona ende të paidentifikuar, të cilët pas ngjarjes dogjën makinën Audi të përdorur në krim.
Mjeti u gjet jo shumë larg vendit të krimit, në zonën e Institutit.
Dyshimet janë se autorët kanë përdorur silenciator pasi në zonë nuk është dëgjuar asnjë zhurmë. Viktima njihej dhe me nofkën “Ujku” dhe ishte në “Arrest shtëpie”.
Të dhënat e parë flasim se ai ishte mik i famëkeqit Ervis Martinaj. Hamendjet janë se kjo vrasje mund të ketë lidhje me ekzekutimin e dyshes Erigers Mihasit dhe Armand Dumanit në zonën e Astirit, më 13 nëntor. Edhe këta të dy ishin miq të Martinajt.
Can Karriqi ishte i skeduar nga Policia si një person me precendentë penalë. “Ujku” u ndalua në fund të muajit shkurt 2021 për mbajtje pa leje të armëve, por u lirua më pas nga gjykata. Fillimisht ndaj tij u vendos masa e sigurisë “Arrest me burg”, e cila më vonë u zbut në “Arrest në shtëpi”. /tesheshi.com/
