Janë zbardhur detaje të rënda nga tragjedia e vrasjes së dy motrave në Tiranë më 31 dhjetor, Kristina Bardhi dhe Zhaneta Metani, qëlluar nga shtetasi me banim në Maqedoni Përparim Tela.
Sipas motrës dhe të vëllait të dy motrave, të cilët kanë dëshmuar në “Shqipëria live” në TCH, Përparim Tela, ose Ademi, pra me mbiemër të ndryshuar pas ikjes nga Shqipëria në Maqedoni, kishte raporte me të dyja, duke i shfrytëzuar për prostitucion, si dhe duke bërë fëmijë me ta, që më pas i shiste në Selanik. Sipas tyre, fjala është për 10 fëmijë.
E motra Adriana tha:
“Motra e madhe e ka njohur në fillim Përparimin. Pas asaj kanë bërë këtë vajzën dhe ai nuk i ka dhënë atësinë. Në fillim mori motrën e madhe, e nxori në rrugë si prostitutë dhe pas një viti ka ardhur e ka marrë motrën time të voglën të babai, ka qenë 15 vjeçe.
Babai im i tha se do të të denoncoj, kur i tha se do të denoncoj i tha se i kam vajzat në Tiranë, janë të sëmura dhe të kërkoj që të vish ti. E ka çuar në mal të Dajtit dhe e ka kërcënuar me thikë.
Nëse ti më denoncon, do të shuaj si familje. E mori motrën e vogël dhe e çoi në Selanik. I linte shtatzënë dhe i detyronte që t’i shisnin. Janë shitur mbi 10 fëmijë.
Dy motrat e mia, ka qenë edhe e shoqja e tij në Greqi. Edhe gruaja e tij ka ngelë shtatzënë dhe e kanë shitur fëmijën. Kjo pasi nuk u dilnin lekët që të mbaronin vilën.
Motrën e madhe e la, pasi nuk bëntë më fëmijë. Kur ngeli motra e madhe shtatzënë në fillim nuk pranoi ta shiste, ai e ka varur me tel në fyt. Ka bërë shumë gjëra, kanë ardhur motrat të nxira. I ka thyer motrës së madhe edhe këmbën, shumë tortura. Neve nuk na ka lënë motra jonë e madhe, nuk na lejohej që të bënim ne denoncim. Ato vetë nuk e bënë asnjëherë hapin”.
Ndërsa i vëllai Bashkimi e plotësoi: “Motrën e vogël e mori peng kur ishte 15 vjeç. Babit i tha nëse denoncon do t’ju zhduk të gjithëve. Nga frika nuk denoncoi. Ai i ka marrë në Itali dhe i ka nxjerrë në rrugë si prostituta. Më pas i linte shtatzënë dhe i shiste fëmijët, në dijeninë time janë mbi 10 fëmijë. Kur ato nuk pranonin t”i shisnin fëmijët ai i torturonte, ishin të nxira, të torturuara me tel”.
Kujtojmë: Përparim Ademi (Tela), qëlloi mbi dy motrat të enjten paradite, duke jua marrë jetën që të dyjave. Ngjarja ndodhi në shtëpinë e viktimave në “Astir”. /tesheshi.com/
