Ekzekutimi i shkencëtarit iranian Mohsen Fakhrizadeh, bëri që parlamenti vendas të mblidhet në një seancë të jashtëzakonshme, prej nga u përcollën mesazhet e njohura me ton kërcënues për hakmarrje.
Pas seancës, përfaqësuesi i parlamentit deklaroi se “armiqtë e Iranit duhet të pendohen që likuiduan Fakhrizadeh”, një shkencëtar bërthamor të cilin Perëndimi e konsideron babanë e programit sekret të armëve bërthamore iraniane, të cilën Irani e refuzon.
“Kriminelët tanë armiq do të pendohen pasi do ërballen me një reagim të fortë,” tha Mohammad Baqer Ghalibaf, një përfaqësues i parlamentit iranian, në një deklaratë në televizionin shtetëror.
Në të njëjtën kohë, gazeta me ndikim iraniane Kayhan sugjeroi në numrin e saj të sotëm, në kolonën “opinione”, që Irani duhet të sulmonte qytetin izraelit port Haifa nëse Izraeli gjendet përgjegjës për vrasjen e Fakhrizadeh.
Edhe pse Kayhan nuk është një e përditshme iraniane me qarkullim të lartë, ajo konsiderohet me ndikim sepse lideri suprem fetar i Iranit, Ajatollah Ali Khamnei, personalisht emëroi ish-këshilltarin e tij Husein Shariatmadari në pozicionin e kryeredaktorit.
Sa i shqetësuar është Izraeli
Gazeta ka bërë thirrje prej kohësh për hakmarrje agresive të Iranit për të gjitha sulmet ndaj objektivave iraniane, por shkoi një hap më tej sot, duke bërë thirrje për një sulm që “do të shkaktojë një numër të madh të viktimave” dhe shkatërrimin e infrastrukturës në qytetin izraelit port Haifa, komentoi AP.
Analisti iranian Sadollah Zarei tha se përgjigjet e mëparshme iraniane ndaj sulmeve ajrore në pozicionet e Gardës Revolucionare Iraniane në Siri (ekzekutimi i gjeneral Qassam Soleimanit) nuk e shqetësuan Izraelin, por një sulm në Haifa, me një numër të madh viktimash, sigurisht që do të shkaktonte shqetësim sepse as SH.B.A dhe Izraeli nuk janë të gatshëm për luftë. .
Ai beson se sulmi ndaj Haifa-s duhet të jetë më i madh se raketat e Iranit, sulmi balistik ndaj pozicioneve ushtarake të SHBA në Irak, i kryer pas goditjes me dron të Soleimanit në fillimin e këtij viti që po lëmë pas.
Me sulme ndaj Haifa-s ka kërcënuar tashmë dhe lëvizja shirane pro-iraniane Hezbollah nga Libani, kjo pasi lideri hezbollah Hassan Nasrallah, kohët e fundit propozoi një sulm ndaj magazinave të nitratit të amonit me mjaft eksploziv në portin e Haifa, e njëjta substancë që shkaktoi një shpërthim shkatërrues në një depo të portit të Bejrutit gushtin e kaluar, në të cilin 193 njerëz u vranë dhe 6,500 të tjerë u plagosën.
Izraeli, i cili dyshohet për të gjitha vrasjet e shkencëtarëve bërthamorë iranianë në dekadën e kaluar, por nuk ka komente për vrasjen e Fakhrizadeh, dy ditë më parë, jo shumë larg Teheranit. /tesheshi.com/
