Shëngjini në Lezhë u trondit nga vrasja e një figure të njohur në zonë, Ardian Nikulaj, me biznes aty, ekzekutuar pikërisht në lokalin e tij.
Nikulaj kishte dhe angazhim politik, por ndërkohë ishte dhe një person me precedentë.
Kryebashkiaku Lezhës, njëherësh ish-drejtor i përgjithshëm i Policisë së Shtetit në kohën e Nanos, Pjerin Ndreu, ka reaguar duke thënë se kjo është një cenim i rëndë i rendit dhe sigurisë.
“I tronditur nga ngjarja e sotme në Shëngjin, ku mbeti i vrarë Ardian Nikulaj, biznesmen dhe anëtar i Këshillit Bashkiak. Një ngjarje e tillë është cenim i rëndë i rendit dhe sigurisë publike në qytetin tonë”, shkruan Ndreu, duke kërkuar zbardhjen e ngjarjes.
“Kërkoj me forcë nga organet e rendit dhe prokurorisë që të zbardhin sa më shpejt ngjarjen për të vënë përballë ligjit autorët e kësaj ngjarjeje të shëmtuar”. /tesheshi.com/
