Në futboll të zotërosh shpejtësi, apo të kesh “sprint” siç thuhet në të përditshmen, nuk do të thotë patjetër se edhe me topin ecën njëlloj.
Madje aty është edhe “hileja” e sportit, që ti të kesh aftësinë të fitosh shpejtësi, duke mbajtur topin në këmbë.
Para disa vitesh ishte Kristiano Ronaldo “më i shpejti” me topin në këmbë, por sot, që edhe vitet kanë kaluar, më i shpejti në botë është disi më “modest” për nga fama.
Ai është mbrojtësi i djathtë i Manchester United, ekuadoriani Antoni Valencia, i cili arrin një shpejtësi 35.1 kilometër në orë me topin. Pas tij renditet uellsiani Gareth Bale i Realid të Madridit, me 34.7 km/h, ndërsa i treti është britaniku Aron Lenon me 33.8 km/h. Kristiano Ronaldo “ka rrëshqitur” në vendin e katërt me 33.6 km/h. Leo Mesi është i gjashti me 31.5 km/h. Të jesh i shpejtë me driblim dhe topin në këmbë të jep avantazh, sepse në njëfarë mënyre, dëshmon se mardhënia jote me topin është aq nën kontrollin tënd, saqë vetëm ti e di se kur është momenti ta shkëpusësh atë nga këmba.
E këtë nuk e kanë të gjithë si aftësi.
/tesheshi.com/
