Joaquin Guzman, apo i njohur ndryshe si “El Chapo”, është ekstraduar më në fund në SHBA, duke u hequr një barrë të rëndë autoriteteve meksikane.
Ish-bosi i drogës u dërgua në orët e vona të së enjtes në Nju Jork, ku do të përballet me një numër akuzash, njëra prej të cilave është ajo e trafikimit të lëndëve narkotike.
“El Chapo” pritet që të dalë sot para një gjykate federale në Bruklin.
Ish-drejtuesi i kartelit Sinaloa do të përballej me dy kërkesa ekstradimi, njëra nga Kalifornia dhe tjetra nga Teksasi.
Një prej më famëkeqëve në Meksikë, Guzman arriti të arratisej dy herë nga burgjet e sigurisë së lartë, së fundi në vitin 2015. Ai kërkoi medoemos ta shmangte ekstradimin për në SHBA, por nuk ia doli dot në këtë përpjekje.
Njëri prej avokatëve të bosit të drogës e cilësoi ekstradimin si tërësisht politik nga ana e qeverisë meksikane. /tesheshi.com/
