Ministria e Drejtësisë e Maqedonisë nuk ka marrë ende një përgjigje nga autoritetet hungareze, pas kërkesës për ekstradimin e ish-kryeministrit Nikola Gruevski – tha gruaja në krye të këtij institucioni, Renata Treneska Deskovska.
“Afati i fundit i projektuar për një përgjigje nuk ka skaduar ende. Ne presim, dhe nëse nuk ka përgjigje brenda afatit të caktuar, ne do të kërkojë ekstradimin e menjëhershëm. Këto janë procedura standard që duhen zbatuar”, tha Treneska Deskovska në një konferencë shtypi.
Ish-kryeministri Gruevski ka kërkuar azil në Hungari, ndërsa në Maqedoni ai duhet të vuajë një dënim me burg prej dy vitesh, për rastin “Tanku”.
Së fundi është bërë me dije se azili nga Gruevski, është kërkuar që në ambasadën hungareze në Tiranë, ku ai ka mbërritur fillimisht pas ikjes nga Maqedonia. Mënyra e arratisjes së tij është një tjetër aspekt që ka trazuar politikën maqedonase.
Kryeministri Zaev më herët tha pak ditë më parë se i dinte “të gjitha detajet”, porse do i bënte publike pas përfundimit total të hetimeve. /tesheshi.com/
