Në përmbledhjen e “The Guardian:”vijnë fotografitë më të mira nga ndeshjet e fundit eliminatore në Kupën e Botës në Rusi, ku përfshihet tensioni i penalltive dhe reagimi pas golave vendimtarë.
Mbështetësit e Brazilit me stikera Panini brohorasin për skuadrën e tyre në përballjen me Meksikën në Samara. Brazili ka fituar tetë nga nëntë ndeshjet e Kupës së Botës kundër kombeve të Amerikës së Veriut, asaj Qendrore dhe Karaibeve, duke pësuar vetëm një humbje.
Carlos Salcedo i Meksikës ndjek Neymar, i cili është rrugës së shënimit të golit hapës që ndihmoi Brazilin të fitonte 2 me zero. Neymar është përfshirë në 20 gola në 19 ndeshjet e kaluara në të gjitha kompeticionet për Brazilin, duke shënuar 11 gola dhe duke ndihmuar në nëntë të tjerë. Në këtë ndeshje, ai qëlloi më shumë herë në portë, 23 të tilla, qëlloi brenda portës 12 herë dhe krijoi më shumë shanse, 16, sesa çdo lojtar tjetër deri tani në Kupën e Botës.
Neymar fluturon në ajër pasi mbrojtësi i Meksikës, Edson Álvarez e preku. Që nga zbatimi i raundit të gjashtëmbëdhjetësheve në vitin 1986, Meksika është eleminuar në këtë fazë të Kupës së Botës, shtatë herë- më shumë se dyfishin e çdo kombi tjetër.
Marouane Fellaini ngrihet nga stoli për të shënuar golin e dytë të Belgjikës ndaj portierit të Japonisë, Eiji Kaëashima duke ndihmuar skuadrë e tij të fitojë 3 me 2 në Rostov Arena. Ishin vetëm katër minuta dhe 16 sekonda midis dy golave të Japonisë dhe vetëm katër minuta e 30 sekonda midis barazimit të Belgjikës.
Romelu Lukaku feston në fund të ndeshjes, pasi Nacer Chadli shënoi në minutën e 94-t duke i dhënë fitoren Belgjikës. Belgjika është ekipi i parë që kthen ndeshjen në favor me 2 ose më shumë gola në këtë fazë eliminatore të Kupës së Botës brenda 90 minutave që kur Portugalia mposhti Korenë në çerek-finaler e vitit 1966, nga 0 me 3 në 5 me 3.
Marcus Berg i Suedisë mban Johan Djourou të Zvicrës në stadiumin e Shën Petërsburgut. Suedia fitoi ndeshjet eleminatore Kupës së Botës për herë të parë që nga viti 1958 kur ara fituan çerekfinalen dhe gjysmë-finalen për të shkuar në finale si vendi mikpritës atë vit.
Mesfushori i Suedisë, Emil Forsberg feston pas shënimit të golit të vetëm që lejonte Suedinë të shkonte në çerek-finale kundër Anglisë, në çerek-finalen e parë mes tyre që prej vitit 1994.
Viktor Claesson dhe Ola Toivonen festojnë ndërsa Josip Drmic qëndron ulur i brengosur. Kjo humbje ishte e para e Zvicrës që prej tetorit 2017, kur humbën 2 me zero ndaj Portugalisë në një ndeshje kualifikuese për Kupën e Botës, që pasoi nëntë ndeshje të tjera fitimtare.
Portieri Jordan Pickford shpëton portën në penalltinë e Carlos Bacca të Kolumbisë, duke i dhënë Anglisë shansin të fitojë pas përfundimit të kohës së plotë dhe shtesës me rezultatin 1 me 1.
Eric Dier përpiqet të shënojë penalltinë e pestë ndaj David Ospina.
Anglia feston momentin, ndërsa John Stones dhe Harry Maguire vështrojnë vjedhurazi lojtarët e Kolumbisë. Harry Kane shënoi gjashtë gola në tre paraqitjet e tij të para në Kupën e Botës për Anglinë – vetëm tre lojtarë kanë shënuar më shumë në tre ndeshjet e tyre të para: Sandor Kocsis i Hungarisë (nëntë), Gerd Muller i Gjermanisë (shtatë) dhe Guillermo Stabile i Argjentinës (shtatë).
Pickford në fillim të formimit të pirgut të lojtarëve ku ai ishte baza, ndërsa Anglia festoi fitoren pas shënimit të penalltisë. Tetë nga 15 ndeshjet eliminatore të Kupës së Botës për Anglinë kanë shkaur në kohë shtesë me ndeshjen e parë të kësaj natyre që daton në finalen e vitit 1966.
