Përballja midis fuqive të mëdha të reja dhe atyre të vjetra jo domosdoshmërish do të përfundojë në konflikt, thotë eksperti për Kinën i Universitetit Brigham Young, Eric Hyer.
Me shtimin e interesave midis Kinës dhe ShBA-së si dhe me zhvillimin e globalizimit, Kina mund të rritet në mënyrë paqësore pa hyrë në konflikt me ShBA-në, shton ai.
Sipas profesorit vendet e mëdha duhet të veprojnë me seriozitet dhe kujdes së pari, për pengimin e zhvillimit të armëve bërthamore. Ndërkohë sipas tij, përzieja e interesave të përbashkëta midis Kinës dhe ShBA-së, sidomos atyre ekonomike, kërkon që të dy vendet të bashkëpunojnë për t’i zgjidhur dallimet. Së treti, Hyer bën thirrje për shtimin e shkëmbimet kulturore, sidomos rritjen e numrit të studentëve që shkojnë në të dy vendet.
Kina dhe ShBA-ja duhet të mësojnë t’i “kontrollojnë konfliktet”, sidomos tani që marrëdhëniet ‘shkojnë në drejt të kundërt’ për shkak të tensionit në Detin e Kinës Jugore, thotë eksperti ndërsa nënvizon se nga pikëpamja ekonomike dhe e sigurisë rajonale, të dy vendet kanë interesa të përbashkët.
