Tuberkulozi është aktualisht sëmundja më ngjitëse në planet; ka kapërcyer COVID-19 dhe SIDA-n, sepse çdo ditë merr 4000 jetë, 700 prej të cilave janë fëmijë, thanë Kombet e Bashkuara.
Zyrtarët më të lartë të organizmit botëror dhe drejtuesit e industrisë shëndetësore po përpiqen të përballen me një rritje alarmante të numrit të rasteve të tuberkulozit, të nxitur nga numri i lartë i rasteve të sëmundjes në zonat e luftës, si ato në Ukrainë dhe Sudan.
Sipas drejtoreshës ekzekutive të organizatës “Stop tuberkulozit”, Louise Detau, para pandemisë COVID-19 nuk është vërejtur rritje dramatike e rasteve me tuberkuloz.
“Por pas COVID-it, ne pamë llojin e tuberkulozit që shohim në filma, ku njerëzit kolliten gjak, janë shumë të dobët, e kështu me radhë”, tha Detau.
Ashtu si COVID-19, tuberkulozi është i ajrit.
Ukraina ka numrin më të madh të njerëzve që vlerësohet të kenë tuberkuloz në Evropë – 34,000, si dhe më së shumti pacientë që janë rezistent ndaj ilaçeve të tuberkulozit, u tha Detau gazetarëve javën e kaluar. /tesheshi.com/
