Tashmë është bërë pjesë e bindjes kolektive se të pish dy litra ujë në ditë i bën mirë shëndetit. Këtë çështje e kanë analizuar shkencëtarët e PNAS, një ent amerikan i specializuar në fushën shkencore.
Studimi i kryer nga universiteti i Monashit ka zbuluar se trupi ynë, pasi merr një sasi uji më se të mjaftueshme, aktivizon një mekanizëm bllokues që e bën të vështirë marrjen e sasive të tjera të ujit. Me anë të këtij procesi, trupi ynë na tregon se e kemi kaluar kufirin dhe çdo sasi uji pas kësaj nuk këshillohet.
Me fjalë të tjera, studiuesit shpjegojnë se kufizime të tilla si dy litra ujë në ditë janë të panevojshme, duke parë se trupi ynë na tregon vetë kur nuk kemi më nevojë për ujë. /tesheshi.com/
