Nga Blendi Gashi
Isa Mustafa është i njohur si lider që nuk e mban fjalën, për më tepër që bën deklarata të pamatura.
Kreu i ekzekutivit kosovar nuk po lë gurë pa lëvizur vetëm e vetëm të mundohet të paraqitet bindës para opinionit se Demarkacioni me Malin e Zi është një marrëveshje që nuk i bën dëm vendit.
Por këto deklarata të tij nuk po pine ujë as para qytetarëve por as opozitarëve të cilët me gjithë forcën po mundohen të kundërshtojnë marrëveshjen që e nënshkroi Hashim Thaçi.
Derisa ditë më parë i gjithë pushteti njëzëri por jo vetëm u mundua t’i bëj presion opozitarëve duke thënë se Demarkacioni është kusht për liberalizimin e vizave, së fundmi në sipërfaqe ka dale edhe një kusht tjetër i proklamuar nga qeveria aktuale që padyshim se mund të quhen qesharak dhe që nuk ka të bëj asgjë me realtetin.
Kryeministri Isa Mustafa,. së fundmi ka treguar me të vërtetë se nuk është lider që mund të udhëheqë vendin, pasi për të qëndrur në pushtet bën deklarime që as fëmija nuk i beson e jo opozita e qytetarët.
Kryeministri Mustafa një ditë më parë bëri “shpikjen e vitit” ku tha se shenjëzimi i kufirit me Malin e Zi është kusht për themelimin e Ushtrisë së Kosovës.
Ai deklaroi se Shtetet e Bashkuara të Amerikës dhe BE-ja nuk dëshirojnë të themelojnë ushtri në një vend që ka probleme kufitare me një shtet fqinjë.
Kjo deklaratë përveç që është cinike është tejet e ultë të thuhet nga një kryeministër kur dihet qartë se është një e pavërtetë e madhe.
Mustafa duhet ta pranojë se ushtria e Kosovës nuk po mund të themelohet ngase ministrat serb në qeverinë e tij po e pamundësojnë një gjë të tillë, dhe po qeverina “Mustafa” ashtu si edhe qeveria “Thaçi”, më parë janë treguar të pafuqishme ndaj Listës Serbe dhe dhe përkundër premtimeve po e lën vendin pa ushtri.
Isa Mustafa s’ndalet së nxjerruni kushte!
Se themelimi i ushtrisë së Kosovës nuk ka kurrfarë lidhje me ratifikimin e marrëveshjes së Demarkacionit me Malin e Zi e thonë edhe ish deputet dhe përfaqësues të partive opozitare.
Burim Ramadani, ish deputet i AAK-së, tani profesor i fushës së sigurisë thotë se themelimi i ushtrisë dhe Demarkacioni janë procese thellësisht të ndara dhe nuk kushtëzohen në asnjë mënyrë mes vete.
“Në të vërtetë, vonesat e shkaktuara në themelimin e Ushtrisë janë krejtësisht të pakuptueshme. Njëjtë ka qenë në vitin 2013, pastaj 2014 dhe njëjtë tash. Sa për demarkacion, ky proces që dhjetë muaj është mbajtur peng. As nuk është rishikuar, as nuk është proceduar. Qeveria e ka mbajtur në sirtare demarkacionin, pra e ka mbajtur peng”, ka deklaruar Ramadani, për tesheshi.com.
Edhe Naim Maloku, njohës i fushës së sigurisë është befasuar me deklaratën e Mustafës, kushtëzimin e Demarkacionit me themelimin e ushtrisë.
Maloku, thotë se qeveria aktuale qe një vit nuk ka pasur guximin të ballafaqohet me fakte të ekspertëve të fushës, por sajojnë gjithëfarë gënjsheshtrash vetëm me i ik të vërtetës.
“Ka kalu koha e Ahmet Zogut. E keni harru këtë fakt. Ky popull rahatohet vetëm me ballafaqim argumentesh në mënyrë transparente. Nuk është integriteti territorial i vendit çështje pozitë-opozitë. Mos humbni kohë!”, ka thënë Maloku, për tesheshi.com.
Sekretari i NISMA për Kosovën, Bilall Sherifi ironizon me kryeministrin Isa Mustafa duke thënë se ai nuk ndalet së nxjerruni kushte!
Sherifi, përmes një postimi bërë në Facebook thotë se duke e parë që kushtëzimi me liberalizimin e vizave i ratifikimit të marrëveshjes së Demarkacionit nuk arriti t’i bind as qytetarët dhe as deputetët që ta pranojnë atë, kryeministri shtoi edhe një kusht, duke thënë se Demarkacioni është kusht edhe për formimin e ushtrisë së Kosovës!
“Duke i dëgjuar këto ‘sihariqe’ të tij nuk duhet të befasohemi më as nëse një ditë dëgjojmë nga ai që, demarkacioni është kusht madje edhe për të ‘marë frymë’”, ka deklaruar Sherifi.
Opozitarë dhe ekspertë të sigurisë disa herë kanë thënë për tesheshi.com se vendi edhe këtë vit nuk do të bëhet me ushtri për faj të qeverisë aktuale, dhe për të ndodh një gjë e tillë kanë pohuar ata duhet të vijnë në pushtet njerëz të rinj.
Ndërsa, zëvendësi i Isa Mustafës nga radhët e serbëve Branimir Stojanoviq disa herë ka deklaruar se qëndrimi i serbëve për formimin e ushtrisë së Kosovës vazhdon të mbetet negativ. /tesheshi.com/
