Ministri britanik i Shëndetësisë Matt Hancock njoftoi të martën shtrëngimin e kufizimeve kundër virusit koronar COVID-19 në një qytet në veri të Britanisë së Madhe (Bolton), ndërsa ekspertët kryesorë të shëndetit paralajmëruan se “një valë e dytë e virusit po vjen”.
Hancock tha se Bolton tani ka 120 raste për 100,000 banorë, niveli më i lartë në vend.
Ministri britanik njoftoi një masë të re me të cilën pub-et dhe restorantet në Bolton do të kenë shërbim të kufizuar.
Njerëzit gjithashtu do të ndalohen të shoqërohen jashtë shtëpive të tyre. Qeveria gjithashtu pritet të zvogëlojë numrin e njerëzve që mund të mblidhen në hapësira të brendshme.
“Po vjen”, tha Dr. David Nabarro, i Dërguari Special i Organizatës Botërore të Shëndetësisë për Përgjigjen Globale ndaj COVID-19, mbi një valë të dytë të mundshme.
“Nuk më pëlqen ta quaj atë një valë të dytë, unë thjesht them se do të ketë më shumë kërcime sepse virusi nuk ka ndryshuar”, tha ai. /tesheshi.com/
