Jessica Cole, është një studente angleze në vit të tretë për psikologji në Lincoln University, e cila ka dashur të provojë atë që thonë të gjithë: nëse nuk ha ndihesh keq.
Ajo vendosi që të bëjë një eksperiment, duke u ushqyer për një javë të tërë vetëm me çaj, për të parë se si do reagonte organizmi. Jessica tregoi se me kalimin e ditëve ndihej gjithnjë e më e lodhur, nuk kishte përqendrim dhe ndihej e këputur. Vajza tha për “Mirror”, se ishte vërtetë e mërzitshme të pihej çdo ditë e njëjta gjë.
“Mendoj se nuk kam dashur kurrë më shumë në jetën time se ato ditë, të pija thjesht një gotë me ujë”, shprehet Cole. Në përfundim të javës ajo tha se ndiente përzierje dhe nuk kishte fuqi as të rrinte në këmbë, dhe fajin kryesor ja vinte kafeinës që përmbante çaji, megjithëse u dobësua.
Ndërkohë pak ditë më parë në Angli u përhap lajmi nga autoritetet europiane për sigurinë ushqimore, se europianët konsumojnë shumë kafeinë. Limiti ditor është 400 mg, ndërsa 30% e kontinentit të vjetër e tepron me dozën e marrë. /tesheshi.com/
