Kreu i Urgjencës Kombëtare Skënder Brataj, tha se trendi pandemik, si kudo në botë, mund të çojë dhe drejt trajtimit në stadiume.
“Po flasim për pandemi; deri tani janë ezauruar disa prej skenarëve, vazhdojmë pastaj deri tek COVID 3 që është skenari 3. I mbaj mend ambulancat pa asnjë aparaturë që ishin më përpara. Sa i përket pajisisjes së tyre dua të them që janë minispitale që lëvizin.
Kur vijnë tek COVID-i në Tiranë krijohet një radhë. Nuk ka ende ezaurim, nuk jemi në atë pikë. Do hapet COVID 4 dhe ato rajonale, pastaj do i trajtojmë edhe në ambulancë, edhe në shtëpi, edhe në hotele, edhe kë korridore, por edhe në stadiume siç e bën edhe gjithë bota.
Qytetarët do asistohen me çdo mënyrë. Qëllimet e tjera jashtë aspektit shëndetësor”, tha dr. Brataj, një prej anëtarëve në të zëshëm të Komitetit Teknik.
Para tij, kryeministri Rama vlerësoi Urgjencën Kombëtare themeluar dhe drejtuar nga Brataj, duke theksuar se është njësoj si në Europë.
“Urgjenca Kombëtare e Shqipërisë është sot një shembëlltyrë e simotrave në Europë dhe vetëm ta mendosh se çfarë do të kishte hequr ky popull, sikur largqoftë Armiku i Padukshëm të na kishte gjetur me autoambulancat rrangalle e me linjat fikse të telefonave të zinj të kohës së qepës, që ishin të vetmet mjete të urgjencës deri 7 vjet më parë, të rrëqethet mishi!
#RESPEKT për ekipin fantastik të Urgjencës Kombëtare që në këtë kohë të mallkuar i gjendet pranë popullit 24 orë papushim dhe ka shpëtuar mijëra jetë, nën trysninë e dyfishtë të ofensivës së virusit vrastar e të baltës lehëse të atyre që luftojnë kundër nesh, teksa ne luftojmë me mish e me shpirt me Armikun e Padukshëm”, shkroi i pari i qeverisë. /tesheshi.com/
